Сурхондарё вилояти ҳокимлиги матбуот хизмати

Ҳукумат комиссияси сурхондарёлик тадбиркорлар муаммоларини тинглади

Термиз шаҳрида Ўзбекистон Республикаси Бош вазирининг ўринбосари Жамшид Ходжаев бошчилигидаги вазирликлар, идоралар, тармоқ бирлашмалари ва тижорат банклари вакилларидан иборат ҳукумат комиссиясининг сурхондарёлик тадбиркорлар ҳамда экспортчилар учун очиқ мулоқоти ташкил этилди.

Сурхондарё вилояти ҳокими Улуғбек Қосимов, секторлар, масалага алоқадор бошқарма ва ташкилотлар, тижорат банклари раҳбарлари иштирок этган тадбирда асосий эътибор тадбиркорлар ва экспортчиларнинг муаммоларини аниқлаш, ҳал қилиш, шунингдек, ҳудудда тадбиркорликни ривожлантириш бўйича янги таклиф ва ташаббусларни ўрганишга қаратилди.

Очиқ ва конструктив мулоқот тарзида ўтказилган учрашувда 60 га яқин тадбиркорларнинг 75 та масаладаги мурожаати тингланди. Қабул қилинган мурожаатларнинг 22 таси шу ернинг ўзида ижобий ҳал этилди. Қолган мурожаатлар ижроси бўйича масъуллр белгиланиб, кўтарилган масалаларни батафсил ўрганиб чиқиш, ҳал этиш вазифаси топширилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Қишлоқ хўжалигидаги муҳим масалалар муҳокама қилинди

Озиқ-овқат хавфсизлигининг манбаи ва иқтисодиёт таянчларидан бири бўлган қишлоқ хўжалиги соҳасида кўп йиллик тажриба муҳим ҳисобланади. Шу сабаб бу соҳанинг фахрийлари, кўп йиллик тажрибага эга мутахассисларининг тавсиялари асосида агротехник тадбирларни ташкил этиш мўл ҳосил гарови бўлиб хизмат қилади.

Бугун вилоят ҳокими Улуғбек Қосимов раҳбарлигида қишлоқ хўжалигида олиб борилаётган ишлар муҳокама қилиниб, амалга оширилиши лозим бўлган тадбирлар юзасидан қишлоқ хўжалиги соҳасида кўп йиллик тажрибага эга фахрийларнинг фикр-мулоҳазалари ва тавсиялари тингланди.

Видеоконфренцалоқа тарзида ўтказилган муҳокамада қишлоқ хўжалиги соҳаси масъуллари, алоқадор ташкилотлар раҳбарлари ҳамда ҳудудий студиялардан туманлар ҳокимлари, тегишли ташкилотлар раҳбарлари иштирок этишди.

Ғўза қатор оралиқларига култиватор ишловлари бериш, учинчи озуқа ва шарбат усулида суғориш, чилпиш ишларини якунлаш, шона тўкилишини олдини олиш мақсадида пахта далаларини чанқатмаслик чоралари кўриш бўйича вазифалар берилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Вилоят ҳокими Термиз шаҳрида маҳаллалар инфратузилмасини яхшилаш борасида олиб борилаётган ишлар билан танишди ва топшириқлар ижросини кўздан кечирди. Бугун "Тупроққўрғон" ва "Шодлик" маҳаллалари ҳудудида ўрганиш ўтказилди.

Маҳаллаларнинг айрим ҳудудларида таъмирлаш ва ободонлаштириш ишларининг талаб даражасида эмаслиги, собиқ бозорча ҳудуди қаровсиз ҳолатда ташлаб қўйилганлиги танқид қилинди. Мутасаддиларга 2 та маҳалла бўйлаб ишларни жадаллаштириш, йўл бўйида жойлашган бино ва объектларни тартибга келтириш, шаҳарсозлик нормаларига мос кўринишга келтириш, дастурда белгиланган бунёдкорлик ишларини сифатли амалга ошириш вазифаси юкланди.

Ҳудудни аҳоли учун қулай, замонавий қиёфадаги манзилга айлантириш бўйича топшириқлар берилиб, вазифалар ижроси қайта ўрганилиши белгиланди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Сурхондарёда “20 минг тадбиркор – 500 минг малакали мутахассис” дастурини амалиётга тадбиқ этиш бўйича семинар ўтказилди

Вилоят ҳокими Улуғбек Қосимов раҳбарлигида ўтказилган семинарда соҳа мутасаддилари, салоҳиятли тадбиркорлар, “Зоом” платформаси орқали ҳудудлар раҳбарлари ҳамда дастурда иштирок этиш истагини билдирган тадбиркорлар ва бошқа масъуллар қатнашишди.

Семинарда “20 минг тадбиркор – 500 минг малакали мутахассис” дастурини амалга ошириш бўйича белгиланган чора-тадбирлар ижроси, ҳудудларда амалга оширилаётган ишлар юзасидан масъуллар, шаҳар ва туманлар ҳокимларининг ахбороти тингланди. Тадбиркорлар билан мулоқот қилиниб, уларнинг муаммоларини ҳал этиш бўйича чора-тадбирлар белгиланди.

Мутасаддиларга дастурда иштирок этаётган тадбиркорлар билан манзилли ишлаб, янги иш ўринларини яратиш, ишсиз фуқаролар бандлигини таъминлаш орқали камбағалликни қисқартириш бўйича вазифалар юкланди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Ижро интизоми, йўллар таъмири, бунёдкорлик ва қурилиш ишлари ҳамда бошқа масалалар танқидий муҳокама қилинди

Вилоят ҳокими Улуғбек Қосимов ҳафта аввалида ижро интизоми ва бошқа қатор масалалар юзасидан танқидий-таҳлилий муҳокама йиғилишини ўтказди.

Дастлаб “Ijro.gov.uz” идоралараро электрон тизимидаги топшириқлар ижроси муҳокама қилинди. Тизимга ижроси бириктирилмаган 11 та топшириқнинг бажарилмаслик сабаблари кўриб чиқилди. Шунингдек, ҳудудларда ўтказилган оммавий сайёр қабуллар ҳамда ўрганишларда берилган топшириқлар ижроси таҳлил қилинди. Соҳалар, йўналишлар ва ҳудудлар кесимида ижро интизоми муҳокама қилиниб, топшириқлар ижросига суст қараётган раҳбарлар қатъий огоҳлантирилди.

Масъулларга “Ijro.gov.uz” идоралараро электрон тизимига топшириқлар ижросини бириктириш ва ҳудудларда берилган вазифалар ижросини таъминлаш бўйича муддатлар белгиланиб, қатъий топшириқлар берилди. Ижроси таъминланмаган ҳар бир топшириқ юзасидан тегишли жавобгарлик масаласи кўриб чиқилиши таъкидланди.

Шунингдек, муҳокама давомида вилоятда таъмирлаш ишлари олиб борилаётган 29 та автомобиль йўллари, шаҳар ҳудудидаги бунёдкорлик ва ободонлаштириш ишлари, қишлоқ хўжалиги соҳасида белгиланган вазифалар ижроси, ўрим-йиғим ва агротехник тадбирларнинг бориши каби масалалар ҳам кўриб чиқилди ва келгусидаги вазифалар белгилаб берилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site