Oʼzsanoatqurilishbank matbuot kotibi | Behzod Bozorov

2022-09-01 09:41:01 Mustaqillik bayrami arafasida Oʻzsanoatqurilishbankning moliyaviy koʻmagida Xorazm viloyatida yana bir yangi qurilish materiallari ishlab chiqarish loyihasi ishga tushirildi.

Loyihaning umumiy qiymati 4,1 mln. AQSH dollari miqdorida boʻlib, yillik ishlab chiqarish hajmi 3 ming tonnani tashkil qiladi.

Tashabbuskor "Zakirov" xususiy korxonasi. U yerda ishga jalb qilingan 70 nafar ishchi tomonidan eksportbop samorez va shrup mahsulotlari ishlab chiqariladi. Ochish/sharhlash

2022-09-01 07:30:57 Aziz do'stlar!

Bugun barchamizni bir quvonch – jonajon Vatanimiz Mustaqilligining 31 yilligini nishonlash birlashtirib turibdi.

Serquyosh diyorimiz, betakror madaniy merosi va tarixiga boy, buyuk ajdodlarimiz mehnatlari bilan ulug'langan O'zbekiston gullab-yashnasin.

SQB jamoasi yurtimizga mangu musaffo osmon, farovonlik, buyuklik va yangi zafarlar tilaydi! Ochish/sharhlash

2022-08-31 19:24:44 TO'YGA TO'YONA BILAN!

Davlatimiz mustaqilligining 31 yilligi arafasida SQBning moliyaviy ko'magi bilan Toshkent viloyatida yangi zavod ishga tushirildi.

Angren erkin Iqtisodiy zonasida joylashgan "Central Asia Chemical" korxonasi kir yuvish kukuni, tozalash ashyolari hamda LABSA va SLES kimyoviy vositalarini ishlab chiqaruvchi Markaziy Osiyodagi yagona zavod hisoblanadi.

Unda yiliga 60,5 ming tonna, jahon standartlariga to'liq mos keluvchi, 100% import o'rnini bosuvchi tayyor mahsulotlar ishlab chiqariladi.

Korxona SQBning kredit mablag'lari hisobiga Italiyaning eng so'nggi uskunalari bilan jihozlangan.

Bundan tashqari mahaliy 100 nafar aholining bandligi ta'minlanib, tayyor mahsulotlar MDH davlatlariga eksport qilinishi rejalashtirilgan. Ochish/sharhlash

2022-08-30 08:55:16 O'zbekiston Respublikasi Bosh vazirining o'rinbosari – investitsiyalar va tashqi savdo vaziri Jamshid Xodjayev Toshkent shahridagi “O'zsanoatqurilishbank” ATBga tashrif buyurib, ushbu moliya muassasasining joriy faoliyati va rivojlanish rejalari bilan tanishdi.

Uchrashuv davomida Bank rahbariyati taqdim etilayotgan xizmatlar, jalb qilingan kredit liniyalari, moliyalashtirilgan loyihalar, xorijiy hamkorlar, bankni transformatsiyalash doirasida amalga oshirilayotgan chora-tadbirlar, axborot texnologiyalarini joriy etish, shuningdek, ushbu moliya instituti qoshida tashkil etilgan o'quv va IT-markazlar to'g'risida taqdimot o'tkazildi.

Uchrashuv yakunida "O'zsanoatqurilishbank" mas'ul rahbarlariga xizmatlarni yanada rivojlantirish va sifatini oshirish bo'yicha tegishli topshiriqlar va tavsiyalar berildi. Ochish/sharhlash

2022-08-29 15:29:42 Joriy yilning 28-avgust kuni Kompromatuzb telegram kanalida Toshkent shahri Yunusobod tumani “King Plaza” mehmonxonasi oldiga joylashtirilgan Oʻzsanoatqurilishbankka tegishli bankomatlar ishlamayotganligi haqida post chop etilgan.

Aniqlanishicha, “Yunusobod” bank xizmatlari markaziga qarashli 2 dona bankomat ishchi holatida boʻlib, ular mehmonxona oldiga boshqa joydan koʻchirib olib borilgan.

Bank qurilmalarini ishga tushirish tartibiga koʻra, bankomatlarni yangi joyga oʻrnatib, ish holatiga keltirish bir necha bosqichni oʻz ichiga oladi.

Shunga binoan “King Plaza” mehmonxonasi oldiga joylashtirilgan Oʻzsanoatqurilishbankka tegishli bankomatlar uchun maxsus budka yasash, zarur xavfsizlik jihozlari bilan taʼminlash ishlari yakunlanmaganligi sababli bankomatlar vaqtinchalik ishga tushirilmay turganini ma’lum qilamiz.

Bank Axborot xizmati Ochish/sharhlash

2022-08-27 11:47:00 O‘zsanoatqurilishbank Axborot xizmati 2022 yil 22-26 avgust kunlari respublikamiz va bank hayotida sodir bo‘lgan eng muhim voqealar dayjestini taqdim etadi:

Yangi tashabbus, qulaylik va yengilliklar - Prezidentning tadbirkorlar bilan ochiq muloqoti;

Tadbirkorlar uchun 100 ming AQSH dollarigacha kredit - "Mikro" haqida batafsil;

Salomatlik va sof tabiat uchun - Toshkent viloyatida o'tkazilgan ekologik aksiya tafsilotlari;

Yangi bilim va ko'nikmalar - SQB xodimlari uchun o'tkazilgan "Team building"dan reportaj;

Shu va haftaning boshqa muhim yangiliklari tafsilotini SQB daydjestda tomosha qiling! Ochish/sharhlash

2022-08-27 07:46:21 Ўзсаноатқурилишбанк колл-маркази давлат банклари орасида энг яхши колл-марказ деб топилди

SNS Rating агентлиги Ўзбекистондаги тижорат банкларининг колл-марказлари хизмат кўрсатиш даражасини тадқиқ қилиб, рейтинг тузишган.

Агентлик экспертлари уч кун давомида жами 30 та банкка, жумладан, 11 та давлат улуши бўлган ва 19 та хусусий банк колл-марказларига қўнғироқ қилиб депозитлар, кредитлар ҳамда банк карталари ҳақида саволлар беришган.

Эътиборлиси, Ўзсаноатқурилишбанк колл-маркази хизмат кўрсатиш даражаси "аъло" кўрсаткич билан рейтингнинг кучли бешталигидан ўрин олган. Давлат улушига эга банклар ўртасида эса энг яхши кўрсаткичга эга бўлган.

Тадқиқот натижалари билан spot.uz сайтида танишиш мумкин: https://www.spot.uz/ru/2022/08/26/call-center-rating/ Ochish/sharhlash

2022-08-25 10:51:31 Матбуот SQB ҳақида: “Оила ва табиат” ва “Банк ахборотномаси” газеталари Ўзсаноатқурилишбанкнинг хайрли акцияси ҳақида ёзибди. Ochish/sharhlash

2022-08-24 15:37:10 Жорий йилнинг 23 август куни «Sof.uz» интернет нашри, “Банкир кундалиги” ҳамда “Muxbir Daliev” телеграм каналларида Ўзсаноатқурилишбанк Сирдарё минтақавий филиали томонидан кафил имзосисиз ипотека кредити чиқариб юборилгани ҳақида мурожаат эълон қилинган.

Аниқланишича, Банкнинг Сирдарё банк хизматлари офиси томонидан 2020 йил 26 мартдаги кредит шартномага асосан фуқаро Р.Г.га 20 йил муддатга йиллик 7 фоиз устама ҳақ тўлаш шарти асосида 165 млн.сўм миқдорида ипотека кредити расмийлаштирилган. Таъминот сифатида кредит ҳисобига сотиб олинган хонадон гарови ҳамда фуқаро Х.Д.нинг кафиллиги олинган. Кафил томонидан Банкнинг Сирдарё банк хизматлари офисига кафиллик бўйича тегишли ҳужжатларнинг асл нусхалари тақдим этилган, лекин 2020 йил март ойидан бошланган пандемия сабабли киритилган карантин чекловлари сабабли кафил кафиллик шартномасини имзолай олмаган.

Банк масъуллари томонидан фуқаролар Р.Г. ва Х.Д. билан ҳолат бўйича ўтказилган тушунтириш ишларидан сўнг фуқаро Х.Д. кафил бўлганлигини тан олиб, карантин чекловлари оқибатида кафиллик шартномасига имзо қўйиш имконияти бўлмаганини маълум қилган.

Шунингдек, маълум қиламизки, мазкур ипотека кредити Ўзбекистон Республикаси Вазирлар Маҳкамасининг 2017 йил 16 январдаги “Кўп қаватли уйларни қуриш ва реконструкция қилишни молиялаштириш, шунингдек ёш оилаларга, эскирган уй-жойларда яшаётганларга ва уй-жой шароитларини яхшилашга муҳтож бўлган фуқароларнинг бошқа тоифаларига сотиш тартиби тўғрисида”ги Низом талаблари асосида ажратилган бўлиб, Низомнинг 37-бандида квартираларни фуқароларга бириктириш ҳудудий комиссиянинг протокол қарорини расмийлаштириш йўли билан амалга оширилиши белгилаб қўйилган.

Шу билан бирга жамоатчилик назоратининг самараси ўлароқ, кредит ҳужжатларининг ўрнатилган тартибда расмийлаштирилишида совуққонлик ва эътиборсизликка йўл қўйган Банкнинг Сирдарё банк хизматлари офиси масъул ходимларига нисбатан интизомий жазо чоралари қўлланилганини маълум қиламиз.

Банк Ахборот хизмати Ochish/sharhlash

2022-08-24 11:03:30 Жорий йилнинг 24 август куни Kompromatuzb телеграм каналида Ўзсаноатқурилишбанкка тегишли банкоматларда нақд пул йўқлиги ҳақида пост чоп этилган.

Маълум қиламизки, ҳозирги вақтда Ўзсаноатқурилишбанкнинг жойларда жами 343 та банкоматлари мавжуд бўлиб, шундан 330 таси ишчи ҳолатда, 13 та банкоматда дастурлаш ишлари амалга оширилмоқда.

Банкоматлар доимий равишда нақд пуллар билан тўлдириб борилмоқда, нақд пул етишмовчилиги бўйича муаммолар мавжуд эмас.

Жойлардаги ҳар бир манзилдаги банкоматлар электрон дастур орқали масофавий мониторинг қилиб борилмоқда, бундан ташқари ҳар бир манзилдаги банкоматларга тегишли ходимлар бириктирилган.

Шу билан бирга Ўзсаноатқурилишбанк фаолиятига жамоатчилик фаолларининг эътибори учун ташаккур билдирган ҳолда Банк фаолиятига оид ҳар қандай мурожаатлар, шу жумладан, нақд пул йўқлиги айтилаётган банкоматларнинг манзили ҳақида маълумот тақдим этилса, Банк мутасаддилари ўрнатилган тартибда кўриб чиқиб, тегишли чора-тадбирларни кўришга тайёрлигини маълум қиламиз.

Банк Ахборот хизмати Ochish/sharhlash