Historicism

2022-12-20 06:03:38 Umuman olganda zamonaviy Eronni barpo qilgan va kuchaytirgan bu turkiylar.

Saljuqiylardan so‘ng bu yerda deyarli faqat turkiylar (Elxoniylar, jaloyirlar, Temuriylar, oqqo‘yunli va qoraqo‘yunli turkmanlar, Safaviylar, Afshorlar, Qojarlar) hukmronlik qilgan.

Eron davlatchiligida muhim o‘rin tutuvchi Safaviylar ozarlar edi. Eronning hozirgi chegaralarini o‘rnatgan Og‘a Muhammadxon va uning avlodlari ham turkiy qojarlar edi.

Eron nomini ham 1925-yil taxtga chiqqan forsiy Pahlaviylar qaytargan. Ular o‘z davlatchligini qadimgi Sosoniylarga bog‘lagan. Shu tariqa Hindiston kabi Eron ham turkiy tarixidan qochishga harakat qilgan. Hindiston bu ishni hozir qilmoqda.

Qizig‘i, biz ham xunnlar va mo‘g‘ullar (albatta, hozirgi mo‘g‘ullar emas) merosxo‘ri ekanimizni tan olishdan qochamiz.

Tarix mana shunaqa, u siyosat bilan o‘zgarib boraveradi. Ochish/sharhlash

2022-12-13 19:22:06 Ницше бир нарсада ҳақ эди…

Янги атеистларнинг позицияси жуда оддий: “Худо йўқ, биз ҳаммамиз тасодифан пайдо бўлиб қолганмиз ва ҳоказо.”

Уларнинг ғояси ҳеч қандай интеллектуал манбага таянмаган. Жуда содда, тўғрими?

Эски атеизм, ҳозирги неоатеизмдан анча устун (кучли) бўлган. Масалан Ницше.

Ницше бир нарсада анча ҳақ бўлган. Моддапарастлик нуқтаи назаридан қаралганда, сўзлар, маъно ва ҳаракатлар ҳеч нимани англатмаслигини Ницше тушунган. Яъни соддароқ қилиб айтганда бу олам шунчаки мантиқсиз ва қийматсиз.

Масалан:
Агар дарахтдан ерга олма тушса ва бўлакларга ажралиб кетса, бу ҳолат шунчаки атомларнинг бошқа-бошқа жойга қайта жойлашувини англатади. Худди шу тарзда, мени ҳам болға билан уриб бўлаклаб ташлашса, ўша ҳолатдан фарқи бўлмайди. Негаки, бу ҳам атомларнинг бошқа-бошқа жойга қайта жойлашиши ҳисобланади.

Эски атеизм буни очиқ тан оларди.
Улар ҳаётдан маъно йўқлигини, қолаверса ундаги ҳуқуқлар, қадриятлар ва ахлоқ йўқлигини ҳамда буларнинг барчаси ижтимоий тушунчалар эканини билишар эди. Ҳеч бўлмаганда ана шу нарсаларда улар иккиюзламачи бўлмаган.

(с) Саббур Аҳмад

Яъни улар учун ҳар қандай ҳаракат ҳеч қандай муаммо туғдирмаган – қотиллик, зўрлаш, некрофилия (ўлик билан жинсий алоқа), зоофилия буларнинг барчасини эски атеистлар нотўғри деб билишмаган.
Ахлоқ манбаси бўлмаса, унда ҳамма нарса мумкин, буни тан олишган.

Аммо янги атеистлар иккиюзламачи. Чунки асосий мафкурасига зид бўлса-да, “бизда ахлоқ бор” дейишади. Уларнинг ахлоқ манбаси, яъни "худолари" бу либераллар. БМТ инсон ҳуқуқларини ўйлаб топган акаларига ишонади ва бўйсунади. Бу билан бирданига иккита тешикка кирмоқчи бўлишади.

Ахлоқ, ҳуқуқлар, ҳаётдан маъно, бу асли Илоҳий ваҳийнинг мевалари. Санаб ўтилганларнинг ҳеч бирини соф (классик) атеизм тан олмайди. Илоҳий дин бўлмаганда, атеизм ҳақ бўларди. Айнан шу ерда нигилизмга кирамиз.

Нигилизм - барча конкретикани, барча маъноларни, барча семантик ва мантиқий тасдиқларнинг охиридир. Бу эса оҳир-оқибат таслим бўлган ва умидсизликка чўккан "инсон", табири жоиз бўлса "тирик мурда", дегани.

Моҳиятан атеизм ҳам нигилизмдир. Улар шунчаки ростини тан олишдан қўрқишади. Ҳақиқий нигилист бўлишдан қўрқишади, негаки бу ҳаммаси тамом дегани. (Яна ҳам аниқроқ тушуниш учун бу ўқилсин)

Аслида улар шунчаки сохта мушрик, "атеистман" деб бақирадиган бутпараст ҳисобланишади. Уларнинг бутлари бугунги либераллар ва ундаги сохта инсон ҳуқуқлари, қайсидир олимлар ва ҳоказолардир.

@Muslim_Mind Ochish/sharhlash

2022-12-11 21:19:20 Futboldagi tarixiy ‘‘qasos’’ yoʻli

Marokashning kechaga gʻalabasi shubhasiz, sensatsion boʻldi. Ispaniyadan soʻng, Portugaliya ham taslim etildi. Ajoyib.

Koʻpchilik Ispaniya bilan oʻyindan keyin Marokashning Ispaniya mustamlakasi boʻlgani va ispanlardan oʻziga xos “qasos” olganini aytdi. Kechagi oʻyindan soʻng esa xuddi shu gap Portugaliya boʻyicha ham yangradi. Va menimcha bu gap endigi Fransiya bilan oʻyinda ham yangraydi. Marokash oʻzi kimning mustamlakasi boʻlgan?

Sportni siyosat va tarixga bogʻlash xato aslida, lekin baribir shunday boʻladi va bu hech qanday motivlarga ega emas.

Marokashni eng birinchi boʻlib mustamlaka qila boshlaganlar — bu portugallar edi. Biroq Portugaliya atigi 6 ta dengizboʻyi shaharni egallagan xolos. Ular mamlakat ichiga kirmagan. Toʻgʻri taxtga qaytish uchun ulardan yordam soʻragan qochoq Marokash sultoniga taxtni qaytarish uchun urush boshlashgan, ammo bu Portugaliyaning magʻlubiyati bilan tugagan. Yetmaganiga davomchisi boʻlmagan Portugal qiroli Sebastiyan I jangda halok boʻlgan va Portugaliya 60 yilga Ispaniya bilan sulolaviy ittifoqqa birlashgan.

Portugallar 1769-yildayoq Marokashdagi barcha shaharlarni tashlab ketgan. Shunday ekan, Portugaliya Marokashni butunlay bosib olmagan, balki asosan dengizboʻyi portlarni nazorat qilgan. Agar bu bosib olish deyilsa, unda Portugaliya Hindistonni ham egallagan. Ular Goa, Daman va Diu kabi bir qator dengizboʻyi hind shaharlarini, 1961-yilgacha qoʻlida ushlab turgan.

Marokashni Ispaniya ham toʻliq egallamagan. Asosan qirgʻoqlarni nazorat qilgan.

Hozirgi Marokash chegaralari va bir asr oldingi chegaralar nomutanosibligi masalani qiyinlashtiradi. Gap shundaki, Marokash XIX asrgacha avval , Gʻarbiy Sahroyi Kabir davlati yerlarini ham nazorat qilgan. 1904 yil Fransiya va Ispaniya oʻrtasida tuzilgan kelishuvga koʻra, Ispaniya oʻzi egalik qilib kelayotgan Marokash shimolidan tashqari, janubiy Marokash, hozirgi Gʻarbiy Sahroyi Kabir hududlarini ustidan ham protektoratni oʻrnatgan. Fransiya esa hozirgi Marokash hududlarini oʻz protektoratiga aylantirgan.

Hozirgi jahon chempionatida javlon urayotgan yigitlar, aynan Fransiya Marokashida tugʻilgan. Hozirgi Marokash 1956-yilgacha Fransiya mustamlakasi boʻlgan.

Fransiya boshqa mustamlakachilardan farqli ravishda Marokashda maktab tizimini yoʻlga qoʻygan, hudud boshqaruviga mahalliy aholini ham jalb qilgan, ularni harbiy xizmatga ham olgan (masalan ruslar Markaziy Osiyoda shulardan hech birini qilmagan. Rus-tuzem maktablari faqat elita uchun, mahalliy boshqaruv qishloqlar darajasida boʻlgan, markaziy osiyoliklar askarlikka emas mardikorlikka olingan).

Ispaniya hozirgi Marokashni emas, Gʻarbiy Sahroyi Kabir davlatini mustamlaka qilgan.

Uning hozirgi Marokash shimoli ustidan nazorati ham oʻz kuchi bilan emas, Buyuk Britaniya xohishi sabab oʻrnatilgan. Angliya Oʻrtayer dengizi “kaliti” boʻlgan Gibraltar boʻgʻozi nazorati kuchli Fransiyaga oʻtishini xohlamagan va bu hudud kuchsizroq Ispaniyaniki boʻlishini istagan. Fransiya oʻsha davrdagi eng kuchli davlatning talabani bajargan.

1921-yil Ispaniya nazoratidagi shimolda qoʻzgʻolon boʻlganda ham, uni asosan Fransiya qoʻshinlar bostirib bergan.

Shunday qilib, Marokash oʻzining haqiqiy konkistadori, uni ikkiga (Marokash va Gʻarbiy Sahroyi Kabir) boʻlgan davlat bilan endi toʻqnashadi. Portugaliya bilan Ispaniya ham qaysidir maʼnoda bosqinchi edi va ulardan “qasos olindi”. Endi eng kuchli va asosiy raqibni yengish lozim.

Gʻolibni esa endi 14 dekabrda bilamiz. Ochish/sharhlash

2022-12-11 21:17:43 Demokratik va avtokratik tuzumlarning eng muhim farqlaridan biri ulardagi davlat amaldorlarini tanlash sxemalari.

Demokratik saylovda gʻalaba qozongan, keyingi saylovda ham yutishni xohlagan nomzod, tabiiyki mamlakatda yaxshi iqtisodiy va ijtimoiy oʻzgarishlar qilishi kerak. Shunda uning keyingi saylovda ham muvaffaqiyat qozonish imkoniyati oshadi.

Va bunday ijobiy oʻzgarishlarga erishish uchun unga har sohada bilimli kadrlar kerak boʻladi. Shuning bois demokratik prezident amaldorlarini asosan ularning bilimiga qarab tanlaydi. Yaʼni energetika mutaxassisini Energetika vazirligiga, siyosatchini Tashqi ishlar vazirligiga, astronavt olimni Kosmos agentligiga rahbar etib tayinlaydi. Chunki sohada qanday oʻzgarish qilish kerakligini, qanday oʻzgarishlar foydali boʻlishini oʻsha soha vakili hammadan koʻproq biladi. Yoʻqsa siyosiy diplomat pedagogikada nima foydali oʻzgarish qilishi mumkin? Mamlakat rivojlanmasa va muammolar kamaymasa o‘z-o‘zidan aniqki, keyingi saylovlarda g‘alaba qozonishdan umid qilmasa ham bo‘ladi.

Keyingi “saylov”da ham, undan keyingi “saylov”da ham yutishi aniq bo‘lgan inson esa nimdan qo‘rqadi? Unga xoinlik qilishlaridan, hokimiyatni berib qo‘yishdan.Qoʻshimchasiga, agar u hokimiyatdan ketsa korrupsiyaviy sxemalari oshkor boʻlsa.

Shu uchun ham avtokrat(diktator) amaldorlarni eng birinchi navbatda sodiqligiga qarab tanlaydi. Unga kerakli narsa — sadoqat (rivojlanish, meritokratiya kapeyka). Eng sodiq kim bo‘ladi? Albatta qarindoshlar.

Avtokrat oʻziga sadoqatli boʻlgan siyosatchini Kosmos agentligiga tayinlaydi, boshqa bir siyosatchini taʼlim tizimiga rahbar qiladi, sobiq tan soqchisini viloyat gubernatori lavozimiga qoʻyadi va umuman kim unga it kabi sodiq boʻlsa amal bilan mukofotlaydi. Sadoqatdan boshqa narsasi yoʻq amaldor esa oʻzi bilmagan sohani baribir rivojlantira olmasligi va natijada bir kun boʻshashini bilib soqqani qiladi. Avtokrat esa sodiqligi bois uning ishlariga koʻz yumadi. Qarabsizki, butun davlat korrupsiya botqogʻiga botadi. Avtokrat tanlagan amaldorlar ham yordamchilarini salohiyatiga qarab emas, sodiqligiga qarab tanlaydi. Sababi esa oddiy: bilimsiz, saylanmagan inson hokimiyat(mansab)ni bilimli insonga berib qo‘yishdan qoʻrqadi.

Biz bugungi kunda bir avtokrat davlatning korrupsiyaga qanchalik botganini va buning oqibatida qogʻozda ulkan qurollangan, amalda sobiq davlatdan qolgan qurollar bilan jang qilayotgan armiyaning sharmandali ahvolga tushgani guvohi boʻlmoqdamiz. Oʻnlab yillar davomida armiyaga ajratilgan pullardan chet elda villa, yaxta va boshqa mulklar sotib olgan rahbarlar oʻz qilmishlarini yashirish uchun askarlarni eski qurollar bilan oʻlimga yuboryapti. Nafaqat oʻz askarlari, balki raqib davlat aholisi ham ularning ochkoʻzligidan aziyat chekyapti.

Avtokratiya oxir-oqibat mamlakatni botqoqqa botiradi. Bundan boshqa avtokratik davlatlar va ularning fuqarolari kerakli xulosa chiqarishi lozim. Ochish/sharhlash

2022-10-21 13:20:21 Сўнгги икки йилда тўртинчи саноат инқилоби, сунъий интеллект ва замонавий технологиялар ҳақида, улар олиб келадиган ўзгаришлар ҳақида кўп ўқидим. Бу ҳақида бир неча маротаба пост ҳам ёздим. Биз яқинда чоп этган Клаус Швабнинг «Тўртинчи саноат инқилоби» китоби ҳам айнан шу атрофда жуда кўп тахминларни берган.

Қайси муаллифни ўқишимдан қатъий назар, ҳозир асосий қўрқув меҳнат бозоридаги ўзгаришлар ҳақида бўлмоқда. Бунгача бўлган саноат инқилоблари эски саноат инқилобидаги йўқотилган иш ўринларини янги иш ўринлари билан тўлдирган. Ҳатто бутунлай янги соҳаларни яратиб иш ўринларини кўпайтирган. Масалан, Клаус Шваб АҚШда ХIХ асрда 70 фоиз аҳоли деҳқончилик билан банд бўлган бўлса, бугун фақат 2 фоиз аҳоли қишлоқ хўжалигида ишлашини айтган. АҚШда ҳеч қачон бугунгидек кўп иш ўринлари бўлмаган.

Лекин, янги саноат инқилоби бизга бутунлай бошқа реалликни таклиф қилмоқда. Инсонларнинг имкониятини жисмоний ва ақлий-ҳиссий деб оладиган бўлсак, шу вақтгача янги технологиялар жисмоний ишни ўрнини эгаллаган. Трактор, тўқимачилик ускунаси, машина йиғадиган роботлар ҳаммаси қўл меҳнатини ўрнини эгаллаган. Ўйлаш, кашфиётчилик, фикрлаш, ҳиссиёт, ижод инсонларга хос нарса сифатида кўрилган. Сунъий интеллект билан биз бутунлай янги реалликка кирмоқдамиз. Илм-фан ютуғи эвазига ҳар қандай ҳиссиёт, фикр ва қарор мураккаб алгоритмлар натижаси эканлиги маълум бўлди. Энди ҳисоблаш имконияти ошган сари сунъий интеллект инсоний хусусиятлар билан рақобатга киришиб бошлайди. Масалан, синовда энг кучли санъатшунослар ҳам бастакор ва сунъий интеллект томонидан басталанган куйни ажратишолмаган.

Олдинда биз бутунлай янги реалликка қадам қўямиз ва ўйин қоидалари бу сафар бутун тарихдагидан фарқ қилади. Ўтмишда оддий деҳқон ҳудудида очилган трактор заводига ишчи бўлиб кириб, замонга мослашиб давом этган. Трактор заводида ишчи бўлиш мураккаб малака талаб қилмаган. Хизматлар соҳаси иқтисоднинг асосига айланганда, завод ишчиси супермаркет сотувчисига айланиши мумкин бўлган. Бу ҳам ўрганса бўладиган, мураккаблик жиҳатидан содда касбдир.

Янги реалликда сотувчи ёки завод ишчисидан компьютер ёки дастурий таъминот уддалай олмайдиган ишни қилиш талаб этилади. У иш ҳозирги иш ўринларидан мураккаблиги билан кескин фарқ қилади. Натижада инсон ҳаёти давомида доимий ўрганишга, ўзгаришга, малакасини бойитиб боришга мажбур бўлади. Бугунги таълим бутун дунёда мураккаб малака талаб қиладиган миллиардлаб кадр етказиб бера оладими?

Бир нарса аниқки, тўртинчи саноат революцияси ҳам янги иш ўринларини яратади. Лекин, бу янги иш ўринлар йўқотилган иш ўринларига нисбатига муносиб бўладими ёки йўқми деган саволга жавоб бериш қийин бўлиб қолмоқда. Катта эҳтимол билан яқин 20 йилда меҳнат бозори масаласи экология каби энг долзарб муҳокамадаги мавзуга айланади.

Бунақа шароитда рақобатбардош бўлиши учун Ўзбекистон таълимга эътиборни кучайтириши, ИТ соҳаси ривожига етакчига айланиши, ижрочи эмас, танқидий ва таҳлилий дунёқарашга эга, очиқ фикрли, мослашувчан кадрлар тайёрлаши муҳим ва зарурдир. Ochish/sharhlash

2022-10-20 16:29:01 Лиз Трасс Буюк Британия бош вазири лавозимини тарк этишини, лекин янги номзод сайланмагунча вақтинча вазифада қолишини эълон қилди.

Ochish/sharhlash

2022-10-20 10:19:27 ​Исроил давлатининг туғилишида тероризм қандай ёрдам берган?

Терроризм аниқ жиноят ва Исломда ҳам бегуноҳ инсонларни ўлдириш тақиқланган. Кўпчиликнинг фикрича, Исроил репрессияларига Фаластин мухолифатини терроризм билан боғлаш одат тусига кирган. Бироқ, бугунги кунда Фаластин ерларида сионистлар амалга ошираётган давлат терроризмидан ташқари, турли сионистик террор ташкилотлари ҳам борлигини кам одам билса керак. Хусусан, Иргун ва Леҳи каби ташкилотлар ҳақида гапириб ўтамиз. Одатда бу ташкилоталарни инглиз босқинчиларига қарши курашган шунчаки "ер ости гуруҳлари" (аҳамиятсиз гуруҳчалар) сифатида кўрсатилади, аммо аслида шундаймикин?

Дарҳақиқат, сионистлар ўзларининг "давлат" деб атаганларини, асосан, Фаластиннинг тинч аҳолисига қарши террор қилиш туфайли қурдилар. Шу билан бирга, ўша пайтда ХАМАС ёки бошқа Фаластин “террорчи” ташкилотлари ҳақида ҳеч қандай гап бўлмаган. Бу ерда кичик рўйхат, жумладан сионист террористларнинг икки йил ичидаги (1937-1939) фақат баъзи жиноятлари кўрсатилган:

1937 йил 14 ноябрь - Қуддус кўчаларида Иргун жангчилари ўқ очишди. Реҳавиа ҳудудида 2 фаластинлик пиёда ҳалок бўлди. Кейинроқ снайперлар фаластинликлар билан тўла автобусга қарата ўт очиши оқибатида 3 нафар йўловчи ҳалок бўлди, 8 нафари яраланди.

1938 йил 17 апрел - Иргун биринчи (лекин охирги эмас) Фаластин кафесини бомбардимон қилди. Натижада 1 киши ҳалок бўлди, 6 киши яраланди.

1938-йил 5-июл - Яффада тинч аҳолига қарши қатор ҳужумлар, жумладан автобусларни портлатиш ва отишма. Натижа: 11 киши ҳалок бўлди, 22 киши яраланди.

1938 йил 6 июл - Сионистлар дам олишсиз ишладилар. Иргун Ҳайфадаги очиқ бозорга бомба қўйди. Бомба қурилмаси портловчи моддалар ва михлар билан тўлдирилган бир нечта металл сут қутиларидан иборат эди. Натижа: 18 киши ҳалок бўлди, 38 киши яраланди.

1938 йил 16 июл - Қуддусдаги араб бозорида худди шундай портловчи қурилма: 10 киши ҳалок бўлди, 31 киши яраланди.

1938 йил 26 июл - Яна Ҳайфа ва Иргундан яна бир бомба: 27 фаластинлик ҳалок бўлди, 46 киши яраланди.

1938 йил 26 август - Бу сафар Яффа бозорида портлаш содир бўлди. "Кучли портловчи қурилма" 24 фаластинликни ўлдиргани ва 35 киши яралангани айтилган. Масъулиятни Иргун ўз зиммасига олди.

1939-йил 29-май - Иргун Қуддусдаги кинотеатрни бомбардимон қилди. 5та томошабин ҳалок бўлди, 18 киши яраланди.

Фойдаланилган манбалар:
https://t.me/antiharxilizm/648

P/s: Эйнштейн билдирган хавотирли фикрлар то бугунгача ўз исботини топяпти, афсуски…

Muslim Mind – ақл юритадиганлар учун! Ochish/sharhlash

2022-10-20 10:18:53 Эйнштейн ва сионизм

«Адашган ва жиноятчи кимсаларга алоқадор ҳеч кимни кўришни истамайман.» – хатдан.

1948-йил май ойида Исроил мамлакати тузилишидан бир неча ҳафта олдин, Америкадаги сионистик ташкилот раҳбарлари Шепард Рифкин дунёга машҳур физик Алберт Эйнштейнга мактуб йўллаб, ҳаракатни қўллаб-қувватлашни ва унга қўшилишни сўради. Унинг келиб чиқиши яҳудий бўлганлиги сабабли, ташкилот ўзи фашистлар Германиясидан қочган ва Гитлер сиёсатидан Америкада бошпана топган Эйнштейннинг сионизм тарафдори бўлишини тахмин қилган эди.

Бироқ, Эйнштейн 1922-йилда Фаластинга саёҳат қилгани ва ўша пайтда у ердаги воқеликни ўз кўзи билан кўргани учун у сионизмга алоқадорликдан ғазаб қилиб, бу ташкилотга жавоб хати ёзади (xат расмда).

Эйнштейн яҳудийлар ва мусулмонлар тенг ҳуқуқли бирга яшайдиган юртни хоҳларди ва у сионистик лойиҳа ўз мақсадларига миллионлаб одамларга катта азоблар ва беҳисоб ўлимлар келтирмасдан туриб эриша олмаслигини тушунган эди.

У сионизм яҳудий халқининг идеалларига хиёнат эканлигини ва ўша пайтда унинг амалиётчилари террорчилардан бошқа нарса эмаслигини даъво қилишгача борган ва бу мутлақо тўғри. Кўплаб тарихчилар, хусусан, Илан Папенинг асарлари ҳам буни исботлаган.

Мақоланинг аҳлоқий моҳияти:
Ҳа, Эйнштейн даҳо эди, лекин сионизмни ирқчи, ёвуз, супрематистик мафкура эканлигини тушуниш учун Эйнштейн бўлиш шарт эмас, сионизм фақат бегуноҳ одамларни ҳуқуқларидан маҳрум қилиш орқали муваффақият қозониши мумкин.

Толиб Ўғли Ochish/sharhlash

2022-10-20 08:34:59 Тожикистон ва Қирғизистон қарама-қаршилиги сўнгги вақтларда Марказий Осиёнинг энг асосий муаммосига айланди. Гарчи икки томон келишувга эришган, кескинлик ўчоғи бўлган тўртта чегара постни олиб ташлашга келишган бўлса-да, можаро ҳали мўтадиллашгани йўқ.

Хусусан, Тожикистон ТИВ раҳбари БМТ Бош Ассамблеясида илк бор Қирғизистонга нисбатан ҳудудий даъволарни ошкора эълон қилди. Душанбе 2 минг кв кмлик Қирғизистон ерларини ўзиники бўлганини таъкидлади.

Кейинроқ Россия президенти туғилган кунига келган Имомали Раҳмонга 3-даражали “Ватан олдидаги хизматлари учун” орденини берди. Бу туғилган кунга келмаган Жапаров ва қирғиз элитасида норозилик уйғотди. Шундан сўнг Қирғизистон ўз ҳудудида бўлиб ўтиши керак бўлган КХШТ машғулотларини қабул қилишдан бош тортди ва кейинги йил Тожикистонда бўладиган машқларда ҳам қатнашмаслигини билдирди.

Мамлакат буни тожикистонлик ҳарбийларни Қирғизистонда кўриш номақбул экани билан изоҳлади.

Орадан бироз ўтиб Остондаги саммитда Путин уч томонлама учрашув ўтказишни таклиф қилди. Учрашувга келган Раҳмон Жапаров билан кўришмади. Ҳатто Алиев ҳам Пашинян билан ҳеч бўлмаса сўрашиб қўярди, қирғиз-тожик можароси эса ҳали арман-озар кескинлигидан анча юмшоқроқ. Бироқ Раҳмон ҳокимиятни ўғлига бермоқчи, ўғлини эса Бадахшон аҳолиси ёқтирмайди, уларни ташқи душман билан алдаш керак. Қирғизистон — яхши вариант.

Худди шундай Жапаров ҳам мамлакатда цензура ўрнатишга интилмоқда ва тўнтаришлар хавфини камайтириб, кўпроқ ҳукмронлик қилмоқчи. Цензура ўрнатишда унга ташқи душман олдидаги бирлик ғояси жуда қўл келади.

Россия минтақадаги ролини деярли йўқотиб бўлди. Жапаров Путин Имомали ва Тожикистонни қўллаяпти дея ундан хафа, Имомали эса Остонада Путиндан қаттиқ норозилигини кўрсатди. Иккала давлат ҳам Россияга ишонгани йўқ. Хитой эса ички урушларга аралашмайди. Ochish/sharhlash

2022-10-20 06:39:44 Agar sizning pasportingizda Isroil vizasi bo'lsa (Isroilga borib, pasportga muhr bosilgan bo'lsa) siz: Eron, Quvayt, Livan, Liviya, Pokiston, Saudiya Arabistoni, Suriya, Yaman, Sudan kabi musulmon mamlakatlariga umuman kiritilmaysiz, agar sizda ushbu davlatga kirish uchun viza bo'lsa ham buning foydasi yo'q. Ochish/sharhlash