Get Mystery Box with random crypto!

bakiroo

Kanal manzili: @the_bakiroo
Toifalar: Bloglar , Siyosat
Til: Oʻzbek tili
Obunachilar: 49.49K
Kanalning ta’rifi

Ўйиндан ташқари фикрлар
Твиттер: https://twitter.com/the_bakiroo

Ratings & Reviews

5.00

2 reviews

Reviews can be left only by registered users. All reviews are moderated by admins.

5 stars

2

4 stars

0

3 stars

0

2 stars

0

1 stars

0


Oxirgi xabar

2024-03-26 08:00:04Ёмон аҳволимиз яхши бўлиб қолгани йўқ

Heritage Foundation'нинг 2024 йил учун тузилган "Иқтисодий эркинлик" рейтингида Ўзбекистон яна 0,6 балл йўқотиб, 55,9 балл билан 103-ўринни эгаллаган. Таснифга кўра, Ўзбекистон яна асосан Ноэркин давлатлар қаторида қолган. Янги ва эски тарихимизда энг юқори балл 2021 йилда (58,3) қайд этилган эди ва ўшанда ўрта меъёрдаги эркин мамлакатлар қаторига жудаям яқинлашган эдик.

Бу йилги рейтинг динамикасини шакллантирган асосий ўзгаришларни Фискал саломатлик (-13,2 балл) ва Давлат харажатлари (-4,5 балл) омиллари белгилаган. Эътиборлиси, ушбу индикаторлардаги аҳволимиз тўртинчи йил кетма-кет ёмонлашмоқда.

Фискал саломатлик ва Давлат харажатлари масаласида аҳвол тубга қараб кетаётганлигини тўрт йилдан бери тасдиқланган бюджет дефицити кўрсаткичларига намойишкорона амал қилинмаётганлиги, харажатларнинг ўсишини тиювчи институтларнинг формал фасадга айлангани, давлат харажатлари самарасиз лойиҳалар ва тўхтамаётган зарарли тажрибалар туфайли ошаётганлиги, буларнинг ҳаммаси кенг аҳоли қатламлари турмуш тарзида ва чўнтагида акс этаётгани, ижтимоий тенгсизлик ортаётганида кўриш мумкин.

Солиқ юки, Инвестициялар эркинлиги ва Молиявий эркинлик индикаторларида ўзгариш бўлмаган.

Мулкчилик ҳуқуқи (+2,0) ва Суд фаолияти самарадорлиги (+2,3) омилларидаги ўсиш учун қувонишга шошилмаслик керак. Биринчидан, ўсишга қарамай, жуда паст кўрсаткичларда қолмоқдамиз, иккинчидан, 2021 йилга солиштирганда орқага кетиш ҳали бери тикланиши қийин.

Дунёдаги иқтисодий эркин давлатлар учлиги ўзгармай қолган: Сингапур, Швейцария ва Ирландия.

Россия таъсиридан росмана озод бўла олган ва эркин тараққиёт йўлини тутган, эркин сайловларда доимий алмашинадиган ва фуқароларга ҳисобдор ҳукуматга эга Эстония (7- ўрин), Литва (15-ўрин) ва Латвия (20-ўрин) ҳайратланарли натижаларни барқарор ушлашда давом этишмоқда.

Марказий осиёдаги қардошлардан энг яхши натижа Қозоғистонга тегишли. 66-ўрин.

Ўзини ҳурмат қилган нормал давлат биронта андоза олмаслиги керак бўлган Россия 131-ўринни, унинг ягона иттифоқчиси Беларусь эса 153-ўринда қайд этилган.
13.7K views05:00
Ochish/sharhlash
2024-03-25 19:14:56 Ҳар йили қарийб 100 млрд доллар фойда келтиради: АҚШ бензинли автомобиллар учун эмиссия стандартларини кучайтиради

АҚШ Атроф-муҳитни муҳофаза қилиш агентлиги автомобил саноатида турли хил ифлослантирувчи моддалар учун янги эмиссия стандартларини тасдиқлади. Бу электр ва гибрид автомобиллар сонини кўпайтириш учун ишлаб чиқилган мамлакат тарихидаги энг муҳим иқлим қоидаларидан бири экани айтилмоқда.

Янги нормалар 7 миллиард тоннадан ортиқ карбонат ангидрид чиқиндилари чиқишининг олдини олиши ва иқтисодиётга ҳар йили қарийб 100 миллиард доллар фойда келтириши кутилмоқда. Бундан ташқари, ҳаво сифатини яхшилаш орқали соғлиқни сақлаш тизимига 13 миллиард доллар фойда ва ҳайдовчилар учун ёқилғи ва техник хизмат кўрсатиш харажатларини камайтириш орқали 62 миллиард доллар фойда олинар экан.

АҚШда машиналар асосий ҳавони ифлослантирувчи ҳисобланади. Электр машиналарга ўтиш эса «катта ўзгаришлар»ни талаб қилади.
18.8K views16:14
Ochish/sharhlash
2024-03-25 16:03:42BYD Uzbekistan фалсафаси қандай?

Ўзини BYD вакили ўлароқ позициялаган Иван Цао бу саволга жавоб бермаган, албатта. Унинг учун келинг, биз уриниб кўрамиз.

Очиқ мулоқотми ё реклама ҳуқуқидаги материалми, аниқ бўлмаган интервьюда жаноб Иван бирон марта BYD Uzbekistan Factory заводи номини умуман тилга олмаган. Ваҳоланки, 60% улуши Ўзавтосаноат ва 40% улуши BYD Europe B. V. назоратида бўлган завод ва унга аффилланган чайқовчи компания манфаатлари учун тез орада "маҳаллий иқлим ва йўл шароитларига мослаштирилмагани ҳамда расмий кафолатга эга бўлмагани учун тартибсиз импортни чеклаш” кўзда тутилмоқда.

Жаноб Иваннинг BYD Uzbekistan Factory'га алоқаси бўлмаса керакда, деб ўйласангиз хато қиласиз. Бир йил аввал ўтказилган презентацияда Иван Цао BYD Central Asia МЧЖ бош директори ўринбосари ва BYD Uzbekistan Factory МЧЖ бошқарув аъзоси ўлароқ намоён бўлган.

BYD Uzbekistan Factory МЧЖ билан ўзаро аффилланган 5,4 млрд.сўм устав капиталига эга BYD Central Asia МЧЖ айнан BYD электробиллари ва гибридларининг импортини бир қўлли қилиб олинишидан манфаатдор бўлмаслигини сиз тасаввур қила оласизми?

Бекорга жаноб Иван интервьюда "расмий сотувлар учун моделлар сонини 10 тагача оширамиз" деяётгани йўқ, худди ишлаб чиқаришдан чайқовчиликкача бўлган жараённи монополия қилиб олган Uzauto Motors бизнес модели шундоқ копия қилиб олинмайди, деб ўйлайсизми? Ишга тушириш пиар маросими январда ўтказилган ва амалда учинчи чоракда иш бошлайдиган заводда 3та модел ишлаб чиқарилади (йиғилади, дейиш тўғрироқ бўлади). Демак, 7 та русумдаги электромобиллар ва гибридлар импорт қилинади. Эҳтимолки, 3 ойдан кейин бегоналар бир қўлли қилинган импорт каналларига киритилмайди. Ва ўз ўзидан, айтайлик, Хитойда 10 минг долларлик электромобилни 20 минг долларгача, 15 минг долларлик гибридни 30 минггача пуллаш ва ўзбекистонликларнинг чўнтагини танловсиз қоқиштириш имкони очилади.

Яъни устиданам, остиданам, бўйиданам, эниданам монополия бўлади. Мана шу туғилаётган янги очофат монополистнинг фалсафаси бўлади. Бизнингча.
23.5K viewsedited  13:03
Ochish/sharhlash
2024-03-25 14:30:00Қирғизистоннинг халқаро захиралари рекорд даражада ўсмоқда

Қўшни қардошларнинг олтин-валюта захиралари 3,3 млрд.доллардан ошган. Бу Қирғизистон тарихидаги максимум ҳисобланади. Захираларнинг йилик ўсиши 23,4%ни ёки 778,3 млн.долларни ташкил этган.

Қирғизистон тўлов баланси охирги ойларда қандай ўзгараётгани маълумотлари ҳали очиқлангани йўқ. Лекин пул ўтказмалари динамикаси яхшиланишда давом этаётгани захираларга ижобий таъсир ўтказаётган бўлиши мумкин.

Ўзи умуман, Марказий банкимиз маълумотларни очиқлашда ҳеч қурса Қирғизистон Миллий банкидан ўрнак олса ёмон бўлмасди (маълумотлар чуқурлиги ва очиқлиги борасида Қозоғистон Миллий банки ҳам намуна бўлади).

Ёпиқлик ва биқиқлик борасида минтақада биз билан фақат Тожикистон ва Туркманистон регуляторларигина баҳслаша олади.
22.3K views11:30
Ochish/sharhlash
2024-03-25 10:33:16Индинга, 27 мартдан бошлаб иситиш ва иссиқлик тарифлари оширилади

Тошкент шаҳар ҳокимлиги эртага 26 март кунидан 2023-2024 йилги иситиш даври якунланишини эълон қилди.

Мазкур ахборот нафақат иситиш мавсуми якунланаётганини, балки янги оширилган тарифлар кучга кираётганини ҳам англатади.

Демак, Тошкент шаҳар кенгашининг 2024 йил 13 февралдаги қарори ва “Veolia Energy Tashkent” МЧЖ хабарномаси талабларига кўра, янги тарифлар 2023-2024 йил иситиш мавсуми расмий якунланган кундан бир кун ўтиб кучга киради. Бу 27 мартга тўғри келмоқда.

Индиндан бошлаб,
1 кв.м. иситиладиган майдон учун 163 сўм, счетчик бўйича 1 м куб иссиқ сув учун 6 028 сўм ҳақ тўлаш керак бўлади.

Қарздорлигингиз бўлса, бугун ва эртага эски тарифларда тўлаб қўйиш фойдадан ҳоли бўлмайди.
25.4K views07:33
Ochish/sharhlash
2024-03-25 07:43:11 156 млрд.сўмлик Қўқон аэропорти неча йилда ўзини оқлайди?

Дам олиш кунлари Қўқонда аэропорт фойдаланишга топширилди. Қурилиш-таъмирлаш ишлари учун 156 млрд.сўм сарфлангани қайд этилган (40 млрд.сўм терминал учун, 107 млрд.сўм учиш-қўниш йўлакчаси учун).

Қўқон Аэропортига ҳозирча фақат Тошкентдан Silk Avia (Ҳавошканинг шўъбаси) рейси қўйилиши режалаштирилган.

Воқелик жиҳатидан, албатта, Қўқон аэропортининг очилиши қувончли ҳодиса. Айниқса Наврўз кунларида.

Айни пайтда Қўқон аэропортининг ишга туширилиши чиройли пиар суратлар, баландпарвоз шиорлар ва "байрамга совға" қабилида кўрилмаслиги керак.

Ҳар бир лойиҳа ўзининг иқтисодий мазмунига эга бўлсагина, фаолияти изчил ва узоқ давом этади (бўлмасам, йил ўтмай яна ёпилади). Шу ўринда Қўқон аэропортининг техник иқтисодий асослари мундарижаси қандай эканлиги жуда қизиқ. Хусусан, 156 млрд.сўмлик ўзлаштирилган капитал қанча муддатда қайтади. Зарарсизлик нуқтасига чиқиш учун Қўқон аэропорти кунига нечта рейсга ва қанча йўловчига хизмат қилиниши керак?

Дарвоқе, бундан 2 йил аввал айтилган "Фарғона водийсига ягона аэропорт қуриш" режалари нима бўлди? Ахир ўшанда "ҳар учала вилоят аэропортлари шаҳар ичида жойлашган бўлиб, фақат бир томондан қўниш мумкин, соатига олтита самолётнинг ўтказиш имконияти чекланганлиги" айтилмаганмиди?

Ўзи аэропортлар бўйича ҳар 3 ойда ўзгарадиган охирги стратегиямиз қанақа? Эртага яна ўзгариб қолмайдими?

Ва умуман, қачондан бошлаб, водийликлар хорижга Ўш ва Хўжанддан эмас, Наманан, Андижон, Фарғона ва қўлинг ўргулсин янги аэропорти бор Қўқондан учишни бошлашади? Ва қачондан бошлаб водий аэропортлари тожик ва қирғиз қардошларимизнинг аэропортларига рақобатбардош даражага чиқади?
23.1K views04:43
Ochish/sharhlash
2024-03-24 06:42:04Россия аҳолисининг қисқариши янада тезлашган

2024 йилнинг январь ойида 103 408 туғилиш қайд этилган. Бу ўтган йилнинг шу даврига нисбатан 0,8%га кам.

Ўлим сони эса кескин ортган. 2024 йил январида 181 677 ўлим қайд этилган (+7,9%).

Шундай қилиб, биргина январь ойида Россия аҳолиси 78 269 нафарга қисқарган. Солиштириш учун 2023 йил январда қисқариш 64 219 нафарни ташкил этган эди. Яъни аҳолининг қисқариши янада тезлашган.

Шунингдек, Росстат 2023 йилда аҳоли қисқариши статистикасини қайта кўриб чиққан ва жами қисқариш 500,3 минг дея корректировка киритган (аввалгиси 495,2 минг эди).

Никоҳлар сонининг кескин қисқараетгани, ажралишларнинг ортаётгани, босқинчилик урушида россияликларнинг чиқим материалидек фойдаланилаётгани яқин ва ўрта истиқболда вазият ўзгармаслигига ишора беради.

Гарчи ўта даҳшатли кўринсада, мазкур статистика очиқланишдан олдин бежалган бўлиши эҳтимоли юқори. Чунки урушда парчаланиб йўқ бўлган ва қирилаётган россияликларнинг рақамлари статистикага жуда кеч қўшилади ёки умуман махфийлаштирилган.
23.8K viewsedited  03:42
Ochish/sharhlash
2024-03-23 08:29:58 Ўзини ўзи банд қилган ҳайдовчилар 420 мингдан ошган

Уларнинг 161,5 минг нафари онлайн-агрегаторлар орқали таксичилик қилаётгани айтилмоқда. Бу кўрсаткич декабрнинг якунида 80,1 минг, январнинг охирида 113,5 минг нафарни ташкил этган эди. Демак, охирги 2 ойда онлайн-агрегаторлар орқали таксичилик қилаётганлар сони де-юре 2 баробардан кўпроққа ошган. Де-факто олганда уларнинг сони ошгани йўқ, таксичилик билан шуғулланувчилар ўз фаолиятларини оқартиришмоқда. Ва бу жуда яхши тенденция.

Айни пайтда ўзини ўзи банд қилган ҳайдовчиларнинг умумий сони ва онлайн-агрегаторлар орқали таксичилик қилаётганлар орасидаги фарқ жуда катта. Бу фарқ ҳудудларда телефон орқали ишлаётган ёки интеграция қилинмаган агрегаторларда ишлаётган таксистлар ҳисобига бўлиши мумкин.

Демак, эндиги қадамда мазкур сегментни оқартириш асосий вазифа бўлиши керак.

Шунингдек, таксичилик, яъни йўловчиларни енгил автотранспорт воситаларида ташиш фаолиятини ўзини ўзи банд қилиш имкониятини 2024 йил охиригача эмас, чекланмаган доимий асосга айлантириш керак. Давлат таксичиларни эмас, ўзаро рақобатлашувчи операторларни солиққа тортиш орқали йўловчи ташиш бозорини тартибга солиш йўлидан заррача оғишмаслиги зарур.
16.0K views05:29
Ochish/sharhlash
2024-03-23 08:09:35
Барча давлат ташкилотларида электр жиҳозлари бир соатга ўчирилади

Экология, атроф-муҳитни муҳофаза қилиш ва иқлим ўзгариши вазирлиги ташаббуси билан 25-март — “Ер соати” куни муносабати билан махсус акция ўтказилар экан. Шу куни сайёрамизга ғамхўрлик қилиш, табиий ресурсларни асраш мақсадида барча давлат ташкилотларида электр жиҳозлари бир соатга ўчирилади.

Вазирлик аҳолидан шу куни бир соатга электрдан фойдаланмасликни сўраган. Бу билан Ернинг табиий бойликларини асрашга ўз хиссасини қўшиш мумкинлиги айтилган.
22.9K views05:09
Ochish/sharhlash
2024-03-23 06:29:13 Ҳиндистон Россия нефтидан "ихтиёрий-мажбурий" воз кечмоқда

Уруш бошланган кейин эркин дунёда рад этилган Россия нефтининг асосий харидорига айланган Ҳиндистон Россиянинг Совкомфлот компаниясида ташилган нефтдан воз кечмоқда.

Нефть ташиш билан шуғулланадиган Совкомфлотга АҚШ, Евроиттифоқ ва Буюк Британия санкциялари аллақачон эълон қилинган. Ўтган ойда эса Совкомфлот АҚШнинг SDN рўйхатига киритилган.

Санкциялар билан боғлиқ муаммога дуч келмаслик учун Ҳиндистон нефтни қайта ишлаш заводлари Совкомфлот танкерларидан нефть қабул қилишни тўхтатишган. Давлат компаниялари ҳам, хусусий компаниялар ҳам танкерлар ва улардаги нефтнинг мулкий ҳуқуқини синчиклаб ўрганишни ва текширишни бошлашган.
17.7K views03:29
Ochish/sharhlash