Get Mystery Box with random crypto!

Айрим рақамлар ҳақида Давлат раҳбари катта ташвиш билан анома | bakiroo

Айрим рақамлар ҳақида

Давлат раҳбари катта ташвиш билан аномал совуқ оқибатида 7 триллион сўмлик саноат маҳсулотлари ишлаб чиқарилмагани ҳақида айтган. Бу жуда катта рақам. Номинал ўсиш билан ҳисоблаганда, 2023 йил 1-чорагида ЯИМ ҳажми 200 трлн.сўм атрофида бўлиши инобатга олинса, бу ЯИМнинг 3,5%и. Яъни ЯИМ ўсиши, агар экономика фавқулодда тезлашмаса, 3,5%гача эмас, 1,5%гача секинлашиши мумкин.

ЯИМнинг 30%и турли каналлар воситасида бюджет даромадларига кириши инобатга олинса, биринчи чоракда камида 2 трлн.сўм даромад камаяди (Бюджет кирими ва чиқими тўғрисидаги кунлик маълумотлар 15 январдан кейин тўхтатилган).

ЯИМнинг тикланишида энергетик ресурслар таъминоти тикланиши ҳаддан ташқари муҳим. Метан шохобчаларига етказиладиган газ миқдори 1 млн.кубдан 5 млн.кубгача етказилиши айтилган. Бизнес ва аҳоли учун бу жуда яхши мужда. Лекин барқарорлик ҳолатида шохобчаларга етказиладиган газнинг кунлик миқдори 7-10 млн.кубгачани ташкил этган. Яъни шартли октябрдаги мувозанатли ҳолатга бирданига қайтилмайди, тикланиш жараёни босқичма-босқич давом этади.