bakiroo

2024-04-22 13:17:27 Жампиқ қалъа - Амударёнинг ўнг соҳилида жойлашган кўҳна ёдгорлик.

Ўрта асрларда порт шаҳар вазифасини бажарган ушбу калъа деворлари паҳсадан барпо этилган. Илк бинолари IV асрга тегишли деб айтилса, хозирда сақланиб қолган харобалар IX-XI асрлада қурилган девор қолдиқлари ҳисобланади. Қалъа давлат муҳофазасига олинган объектлар қаторига киритилган, бироқ туристларни қабул қилишга доим тайёр.

Жампик калъа - это старинный архитектурный памятник, расположенный на правом берегу Амударьи.

Это строение, которое в средние века служило портовым городом, было построена из глинобитных кирпичей. Хотя считается, что ее ранние постройки относятся к IV веку, сохранившиеся руины представляют собой остатки стены, построенной в IX-XI веках. Крепость включена в список объектов, находящихся под охраной государства.

Если вы бывали в этой местности обязательно делитесь своими фото в комментариях!

Геолокация - #Караклпакстан

Обуна бўлинг! Ochish/sharhlash

2024-04-22 10:30:00 Суюнчи пули бўладими?

37 миллионинчи ўзбекистонлик қай ҳудудда туғилди? Ўғилми ё Қизми?

Биринчи фарзандми ё иккинчи ёки учинчи?

Энг асосий савол: роса бир йил аввал Ижтимоий давлат деб эълон қилинган Ўзбекистонда 37 миллионинчи ўзбекистонлик учун суюнчи пули бўладими? Ochish/sharhlash

2024-04-22 08:58:12 Янада чиройли: Ўтган йилги ЯИМ статистикаси ўсиш томон корректировка қилинган

Энергетик кризис туфайли жуда оғир оқибатлар билан ўтган 2023 йилнинг 1- чораги макроиқтисодий статистикаси янада яхшиланган.

Бу ўзгартиришларни бу йил учун базавий ва ўтган йилги жорий рақамлар бўлган иқтисодий ҳолат статистикасидан кўриш мумкин.

Ўзбек статистикасига кўра, 2023 йил биринчи чорагида аввал эълон қилинганидек, ЯИМнинг 5,5% эмас, 5,7%лик ўсиши юз берган.

Қизиқ тарафи, ЯИМнинг асосий мундарижасини ташкил этувчи саноат, қурилиш, қишлоқ хўжалиги ва бозор хизматларининг кўрсаткичларига ўзгариш киритилмаган.

Чакана савдонинг ўсиши 5,2%дан 9,4%гача кўтарилган. Юк айланмасининг қулаши эса 3,3%дан 1,5%гача қисқартирилган. Мазкур соҳаларнинг ЯИМдаги улуши иқтисодий ўсишни 0,2%гача кўтарадиган даражада критик эмас.

Яна экспортнинг қисқариши суръати 2,6%дан 0,7%гача яхшиланган.

Статистикачиларимиз реалликда тубда бўлган 2023 йилнинг яхшиланган ва чирой очган статистикаси бўйича батафсил (дельтада эмас, аниқ ва чуқур рақамларда) шарҳ беришлари тўғри бўлади. Ochish/sharhlash

2024-04-21 18:44:22 Лаънати уруш бўлмаганида 50 миллион бўлардик

Муҳримбой 1965 йилдан 2013 йилгача ҳар 24 йилда 10 миллионга кўпайганимиз ҳақида ёзмоқда.

Нуфусимиз янаям кўпроқ бўлган бўлардик ва аллақачон 50 миллионлик миллатга айланардик, агарда бизники бўлмаган ўша лаънати уруш бўлмаганида. Уруш арафасида Ўзбекистоннинг аҳолиси 6,8 миллион бўлган. Ушбу кўрсаткичга фақат 13 йил ўтиб, 1953 йилда қайтадан чиқилган. Ундаям шимолдан қочоқларнинг катта кўчиши ҳисобига.

Дарвоқе, бугун 37 миллиончи ўзбекистонлик дунёга келади. Бугун дунёга келаётган янги ватандошларимиз эркин, фаровон, ҳуқуқий, демократик давлатда, яъни орзудаги Ўзбекистонда яшашсин, деб ният қилдим. Ochish/sharhlash

2024-04-21 10:44:44 Энди латифалар айтиш кўпаяди

Lolazor'нинг навбатдаги мавсумига старт берилди. Шартли равишда янги мавсумни "латифалар мавсуми" деб атадик. демакки, энди кўпроқ латифалар айтамиз.

Чунки чекловлар тобора кучаймоқда, тақиқлар эса ҳомиладор. Бугун айтиш мумкин бўлган гаплар эртага имконсизга айланмоқда. Лекин яхши хабар шуки, ҳали латифалар монополияси ўрнатилгани йўқ. Ochish/sharhlash

2024-04-20 16:30:00 ​Энергетикадаги ёпиқ коррупцион ҳалқалар тўлиқ очилиши ва зудтар бекор қилиниши керак

Давлетов тўғри ёзмоқда: Аҳоли, айниқса, бизнес буёғига имтиёз эмас, кафолатланган таъминот сўраши, тизимни коррупциядан тозалашни талаб қилиши ўринли бўлади.

Масалан, қандай қилиб Ўзбекистоннинг 60%дан кўп газини берадиган Ўзбекнефтегаз 600 сўмдан сотаётган газнинг таннархи 2000 сўмга чиқиб қолиши мумкин?

Ҳисоб китобга қулай бўлиши учун UzGastrade'дан кейинги бошқа харажатларни истино қилиб турсак, шимолдагилар ва олигархия назоратидаги компаниялардан газ 4000 сўмгача нархда сотиб олинаётган бўлиб чиқади. Европадаям йўқку бунақа нарх?

Шу эмасми коррупцион ҳалқа? Тозалашни айни шу ердан бошлаш керак эмасми?

Энергетикадаги янги "прокладка"га айланган UzGastrade ташкил бўлгандан бери неча марта ҳисобот берди? Акциядорлик жамияти ўлароқ йирик битимлари тафсилотини нега очмайди? "Лукойл", "Uz-Kor Gas Chemical", "Natural Gas-Stream", Epsilon ва Saneg'ларга ўтиб қолган конлардан олинаётган газ қанчадан сотиб олинаяпти? Улар учун каррасига қимматлаштирилган газ нархлари бўйича битимларни ким тасдиқлаган?

Яна неча йил ўзбекистонликлар энергетика охуридаги мазахўракларни бюджет ҳисобидан субсидия бериб боқиши керак? Ochish/sharhlash

2024-04-20 15:01:15 Масъулиятли бизнес учун янги синовлар эмас, барқарор энергия таъминоти керак

Кетма-кет учинчи қишда энергетик кризисдан сулайиб, ҳолсизланиб чиққан бизнесни келаётган ёзда янги синовлар кутади (қишдан чиқиб чиқмай, ўзига келиб улгурмай, таққослаш далолатномаси тузмасдан тармоқдан узишлар яна алоҳида мавзу).

1 июлдан бошлаб табиий газ ва электр энергияси учун 100 фоиз олдиндан тўлов тизими қайтарилади.

5 йил аввал қабул қилинган Президент фармони билан юридик шахслар 50 фоизлик олдиндан ҳақ тўлаш асосида асосида ишлаб келишаётганди. Норматив ҳуқуқий ҳужжатлар устуворлигига асосланилса, ҳали Президент фармони асосида 50% тўлов билан ишлашда давом этавериш мумкин.

Лекин фармонга ўзгартириш киритиб мувофиқлаштирилган ҳолда ҳам ҳали белгиланган муддат келмасидан мазкур масалада бизнеснинг, айниқса масъулиятли тадбиркорлар манфаатларини инобатга олиш керак бўлади. Чунки ташқи бозордаги позицияларни йўқотиш, истеъмол талабининг сусайиши, қарз юки каби омиллар таъсирида бусиз ҳам бизнес мураккаб трансформацияларни бошдан кечирмоқда.

Шу маънода, энергетика учун 100%лик олдиндан тўлов тизимига ўтишнинг оқибатлари ва чақириқларини Адлия вазирлиги ва Президент ҳузуридаги кенгаш бир ўрганиб кўрса бўларди.

Ҳеч бўлмаганда, қолганларниям бунга рағбатлантириш учун ҚҚС тўловчилари ва 100дан ортиқ расмий ишчиларга эга бизнес субъъектлар учун амалдаги 50%лик олдиндан тўлов тизимини қолдириш керак. Бу қолган бизнес субъектларга ўзларининг фаолиятларини оқартириш ва кулранг секторларни ёруғликка олиб чиқиш учун ҳам туртки бўларди. Ochish/sharhlash

2024-04-20 13:13:44 Паррандачилик ривожи учун ташқи бозорлар керак

Ҳаш-паш дегунча баҳорнинг ярмидан кўпи ўтди. Йилнинг тўртинчи ойи тугаяпти. Бизнесга фаоллик етишмаётгандек, илик узилди кунлар чўзилиб кетгандек.

Кеча паррандачилик билан шуғулланувчи тадбиркорларнинг Савдо саноат палатаси билан учрашуви ўтказилипти. Унда соҳадаги қатор муаммолар айтилган, корхоналарни қўллаб қувватлаш учун турлича таклифлар билдирилган. Паррандачиларни ташвишлантираётган нарса кун исигани сари маҳсулотларга, хусусан, тухумга ички бозорда талабнинг сусайиши билан боғлиқ.

Кредитлар ўзини ўзи ёпиб, сўндирмайди. Сотув керак, бозор керак. Ишлаб чиқаришни кенгайтирмоқчи ёки Янги лойиҳаларга инвестиция киритмоқчи бўлаётган бизнес вакилларига ички бозор торлик қилади. Замон ўлчови шуки, экспорти йўқнинг эртаси йўқ бўлиб қолган.

Кўпчиликнинг эсида бўлмаса керак, икки йил аввал тухум экспорига чекловлар қўйилган. Ўшанда экспортга чекловлар вақтинчалик чора экани, ички бозорда нархлар барқарорлигини таъминлаш учун қилинаётгани айтилди (ҳеч бир нарса Ўзбекистонда вақтинчалик чоралар каби узун бўлмайди). Ўзимиз киритган чекловлар етмаганидек, қўшни давлатларга экспорт учун уларнинг ички реестрига кириш талаблари ҳам пайдо бўлган. Бу вазифани ҳукуматларнинг келишувисиз амалга ошириб бўлмайди.

Ҳозир шу иш қилинмаса, бу мавсум йўқотилади. Ички ва ташқи чекловларни баратаф этишнинг айни вақти. Соҳанинг жозибадорлиги ўлмаслиги учун, тарихан ўзимизники ҳисобланган бозорларни йўқотмаслик учун, янгиларини эгалллаш учун ҳозир ҳаракат қилиш керак.

Ўз ишининг устаси бўлган паррандачи ишлаб чиқарувчиларга субсидия ҳам керакмас, имтиёз ҳам керакмас. Унга эркинликлар ва бозорлар керак. Ochish/sharhlash

2024-04-20 09:38:34 1999 йил

Ўзбекистоннинг ўтмиши ҳақида газеталар парчалари кўп сўйлайди. Ўзим учун кашф қилганим Тарихий карточка каналининг ҳар куни бериб бораётган маълумотлари, хоҳлайсизми, йўқми, сизни, бизни, ҳаммамизни хотираларга етаклайди.

1999 йил кўпчиликнинг хотирасида 16 февраль воқеалари билан боғланиб эсланади. Лекин йигирманчи асрнинг охирги йили аслида жуда оғир иқтисодий оқибатлари билан муҳрланиши керак. 1998 йил Россиядаги кризис ва дефолт бизга айнан 1999 йилда зарба берган (тўғри, расмийлар чиқиб доимгидек, кризис бизни четлаб ўтди, деган баёнотлар беришган).

1999 йил давомида долларнинг расмий курси 110 сўмдан 140 сўмгача ёки 27%дан кўпроққа ошган. Лекин бу курсда ҳеч ким валюта олмасди, ҳеч ким сотмасди (танланганлардан ташқари). Қора бозор курси эса, хотирам алдамаётган бўлса, 220 сўмдан 550 сўмгача кўтарилган. Буни нима учун эслаяпман. 1999 йил бошида энг катта купюра 200 сўмлик эди ва бу купюрага Фарҳод ёки Олой бозоридаги қора саррофлардан 1 доллар сотиб ололмасдингиз. 1999 йил ёзида 500 сўмлик муомалага қўшилган. Чиққан пайтда 1 доллардан кўпроқ эди, лекин кузга бориб, 500 сўмга 1 доллар олиб бўлмай қолганди.

1999 йил яна стипендия номиналда яхшигина ошганига қарамай, 10 доллардан камроқ бўлгани билан эсда қолган. Баъзида 1999 йил суратларини қарайман, кўзга яққол ташланадигани, жуда озғин бўлганмиз, деярли ҳамма. Иқтисодий аҳвол танамизда рўйи рост акс этган. Ochish/sharhlash

2024-04-19 18:43:17 Ҳукуматимиз хуфиёна иқтисодиётга қарши курашишни артистлардан бошласа бўлмайдими?

Ишонинг, агар Ўзбекконцерт деган цензурачи, маънавиятчи, ўртамчи балодан қутқарилса, бунинг учун ўзини ҳурмат қиладиган ва ҳисобини биладиган артистлар ҳаммаси раҳмат айтади.

Иқтисодчи Ботир Қобилов ёзмоқда:

"Артистлар ва тўй бизнесидаги барча фаолият солиққа тортилиши кераклиги кундек аён нарса.

Бюджетнинг иккала тарафига — тушумни ҳам ошириб, чиқимни ҳам камайтиради (бундай ташкилотларни боқмасдан). Хуфиёна иқтисодиёт билан ҳам кураш доирасида буни қилиш керак.

Хоҳлаган жойларига бораверишсин, муаммо эмас. Фақат фискал чек бериб, солиқни тўлаб қўйишсин. Ўшанда давлат тадбирларига, концерт-у базмларга харажатлар ҳам очиқланиб қолар".

Аввалроқ Ҳукумат "хуфиёна иқтисодиётга қарши курашиш бўйича ишларни бошлаш ниятида" эканлиги эълон қилинганди.

Айни пайти. Ochish/sharhlash