The Ozodov

2021-12-15 17:21:13 100 000 банкнота манга ёқди, 30 йил ўтиб Ичан қалъа борлиги эсимизга тушди. Ochish/sharhlash

2021-12-14 00:36:52 The New York Times gazetasi O'zbekistonning sahrolashib borayotgani qum bo'ronlari oshayotganiga sabab bo'layotgani haqida surat joylabdi.
Iqlim o'zgarishi oqibatlari haqida barcha davlatlardan fotolavhalar keltirilgan.
Foto: NYT

@The_Ozodovv Ochish/sharhlash

2021-12-02 23:43:14 Germaniya Federativ Respublikasining 16 yillik kansleri Angela Merkel lavozimini topshirib, ofisni tark etmoqda.
Foto: Deutsche Welle
@The_Ozodovv Ochish/sharhlash

2021-11-24 14:15:11 100 доллардан 1 500 долларгача. Хориждаги ўзбекистонлик талабалар ётоқхона учун бир ойда қанча пул сарфлайди?

http://dy.uz/Zx5hd Ochish/sharhlash

2021-11-19 13:16:52 ​Кўҳиқоф тоғидан нарида, Сусамбил юртида, девлар ва алвастилар яшайдиган жойларда Давлат хизмати тўғрисидаги Қонун қабул қилинган экан.
Барча амалдорлар сиёсий ва маъмурий деб номланувчи икки табақага ажратилган экан. Вазирлар ва ҳокимлар билан сиёсий амалдорлар табақасига кирар экан. Бошқа барча амалдорлар маъмурий ходимлар деб номланар экан. Сиёсий амалдорлар алмашаверар, маъмурий амалдорлар эса ўз жойида ишлаб, давлат хизмати барқарорлигини таъминлаб турар эканлар.
Давлат хизматларига одамлар марказлашган конкурс орқали қабул қилинади, бунда улар CV топширишар, кейин ёзма имтиҳон топшириб, ундан ўтганлар зарур компетенциялар борлигини аниқлаштириш учун суҳбатга қўйилар экан. Ҳеч ким осмондан тушиб, дабдурустдан раҳбар бўлиб қолмас экан.
Ўтган асрнинг 1935 йилда чекист жаллодлар томонидан ўйлаб топилган объективка-маълумотномаларни тўлдиришни ҳеч ким талаб қилмас экан. Бу объективка-маълумотномалар НКВД томонидан ўйлаб топилгани учун қаерда туғилгансиз, қариндош-уруғларингиз кимлар, қайси қабристонга дафн этилган каби бемаъни саволларга тўла, лекин лавозимга қўйилаётган номзоднинг касбий ютуқлари, эришган натижалари ҳақида бир оғиз гап ҳам ёзилмас экан.
Давлат хизматида ишлаётган ҳар бир амалдор фаолияти натижаларини баҳолашнинг аниқ механизми жорий этилган бўлиб, йил бошида энг муҳим кўрсаткичлар белгилаб олинар экан, йил якунида эса, шу кўрсаткичларга эришилдими ёки йўқми, шу назорат қилинар экан. Сингапурга ўхшаган ўта илғорлаб кетган мамлакатларда департамент бошлиқлари томонидан фаолият натижаларини баҳолаш жамоавий равишда муҳокама қилинар ва 10 фоиз энг яхши кўрсаткичларга эришганлар аниқланиб, уларни лавозимини кўтаришга тавсия қилинар экан. Бу кўрсаткичлар вазирликларнинг энг муҳим кўрсаткичлари билан бевосита боғлиқ экан, вазирдан то етакчи мутахассигача аниқ якуний натижаларга эришиш учун ҳаракат қилар эканлар.
Баъзи бир мамлакатлар барча девлар ва алвастиларни, бошқалари эса, фақат юқорида ўтирадиганларини даромадлари ҳақида декларация топширишга мажбурлар эканлар. Оммавий ахборот воситалари бу декларацияларни чоп этишлари ва ижроия ҳокимиятини тергаб туриши имконияти яратилар экан.
Сусамбилда давлат хизматчиларига тадбиркорлик билан шуғулланишга рухсат берилмас экан. Девлар ва алвастилар иш фаолияти давомида манфаатлар тўқнашуви ҳолатлари вужудга келса, бу ҳақда ёзма равишда маълумот бериши тартиби йўлга қўйилган экан.
Давлат хизматида ишлайдиган девлар ва алвастилар уларни бесабабдан-бесабаб дабдурустдан ишдан ҳайдаб юборишларидан хавотирланмас эканлар. Ўз олдиларига қўйилган узоқ муддатли мақсадларга эришиш учун хотиржам фаолият олиб борар эканлар. Уларнинг иш жойида камида 3-5 йил узлуксиз ишлаши кафолатланар экан. Энг муҳими, ишхона олдига қўйилган мақсадларга эришилса бўлди.
Давлат хизматчиларининг иш ҳақи хусусий сектордаги иш ҳақига нисбатан юқори эмас, кам ҳам эмас, salary survey орқали доимий равишда таққослаб борилар экан. Мақсад – ходимлар ишдан қочиб кетмасликлари учун етарли ойлик тўлаш бўлиб, ҳеч қандай норасмий қўшимча тўловлар йўлга қўйилмаган. Иқтисодиёт вазирлигида ишлайдиган дев билан Маданият вазирлигида ишлайдиган дев бир хил ойлик олади, ойлик иш ҳақи уларни раҳбарияти қўлининг узунлигига ва Молия вазирлигидаги валломатларга яқинлиги даражасига боғлиқ бўлмайди.
Айтганча, уларда ҳеч қандай юқори турувчи бошлиқлар ҳам йўқ. Профессионал давлат хизматида вазир – бу реал лавозим. Вазир ўзи мустақил сиёсий қарорлар қабул қилади, баъзида уларни Вазирлар Маҳкамасига тасдиқлаш учун киритади…Агар шундай қилмаса, нима учун уни лавозимга тайинлаганлар?

Энди, бу Сусамбилдаги девлар билан алвастиларда. Қаерлардадир, Компартиянинг Марказий Қўмитасида эса жиддий отахонлар ўтириб, ‘’Давлат хизматида бирга ишлаши тақиқланган қариндошлар рўйхати кенгайтирилади.Энди бу рўйхатга бобо-бувилар билан бир қаторда уларнинг ота-оналари ҳам қўшилади” деганга ўхшаган тушунчалар киритилади.Давлат хизмати тўғрисидаги қонун ҳалигача қабул қилинмади.Ишга қабул қилиш конкурс, техник ва функционал компетенциялар матрицаси мавжуд эмас.Азизлар, давлат хизматларини ислоҳ қилиш шарт. Ochish/sharhlash

2021-11-11 00:23:47 Бошқалар билан билим ва маълумотни бўлишиш йўлида бирлаша олиш жуда муҳим. "Биз" каби асарлар таржимаси ва китоб шаклига келишига каттами ёки кичик ҳисса қўшадиганлар -- яхши инсонсизлар.

Яқинда бир фильм кўрган эдим тарих ҳақида. У ерда шундай фикр айтилди:

"Биз ўламиз. 
Биз ўламиз ва ерга сингиб кетамиз.
Биздан ҳеч нарса қолмайди.
Лекин, мен бу фикрга унча қўшилмайман.
Инсоннинг ғор деворларига босилган илк қўл изларидан бошлаб… биз қандайдир давомийликнинг бир қисмимиз.
Демак, биз — ўлмаймиз." Ochish/sharhlash

2021-11-03 20:37:20 Internet - inson kapitali boyishining asosiy manbai

Iqtisodiyotning aggregat tushunchalari, masalan, Yalpi Ichki Mahsulot, Inflyatsiya yoki Savdo balansi kabilar bu yakuniy o'lchovlar xolos. Aslida Iqtisodiyotdagi eng muhim element bu inson - uning yaratuvchanlik qobiliyati.

Inson kapitalini tashkil qiluvchi asosiy tushunchalar insonning to'rt muchasi sog'ligi, bilim va ko'nikmasi, iqtisodiyot uchun nimadir yarata olishi va jamiyat boyishiga xissa qo'shadigan amallaridir. Inson kapitali yetarlicha rivojlanmagan davlat hech qachon boy bo'la olmaydi, va odatda ma'lum davr o'tib, davlat sifatida yer yuzidan yo'q bo'lib ham ketadi. Buning aksi, davlat rivojlanishi, gullab yashnashi va uzoq yashashi uchun insonlar tinimsiz yaxshilanib borishi kerak - jismonan va aqlan.

Bugungi kunda inson kapitalining eng asosiy drayverlaridan biri bu internet. Insonlar bilim va malaka to'plashi uchun internet kerak, to'siqlarsiz, sifatli va barqaror internet kerak. Internetning sun'iy qimmat bo'lishi, undagi foydali kontentlarning bila turib, ongli ravishda cheklanishi bu to'g'ridan-to'g'ri ommaviy jinoyatdir. Bizni yanada kambag'allashtiradigan "tashabbuslar"ni qilayotganlar bugungi va kelajak avlod oldida javob berishi shart.

@The_Ozodovv Ochish/sharhlash

2021-10-29 10:54:26 Кўз тегмасин йил яхши ўтди. Бор йўғи иккита махсулотни нархлари ошди - озиқ-овқат ва ноозиқ-овқат махсулотларни. Ochish/sharhlash

2021-10-18 18:03:34 #Германия

Германиянинг DAAD дастури, у берадиган имкониятлар – Симон Кретсчмер билан суҳбат (видео)

Uzbek.life ёшларнинг талаб ва истакларига кўра Германиянинг Тошкетдаги элчихонаси DAAD академик алмашинув дастурининг лектори Симон Кречмер билан интервю ўтказди.

https://uzbek.life/news/894 Ochish/sharhlash

2021-10-12 12:11:53 ​Пахтага муносабатим унчалик яхши эмас.

Чунки, ўзбек пахтасининг пуллари қандайдир йўллар билан Латвияда қўним топганини кўрганимдан кейин унга муносабатим кескин ўзгарган.

Оҳирги 20 йилда Латвияда бутун бошли ўзбек элита қишлоқлар пайдо бўлди. Латвияда ўзбек дегани бу жуда бой дегани. Аслида, катта миқдорда ўмарилган пулга эга бўлиш дегани. Сабаби - пахтамиз Латвия орқали ташилган.

Пахта – эски дард.

Перестройка даврида пахта қуллиги қаттиқ танқид қилинди. Пахта геноциди болалар ва катталарнинг устидан дефолация қилиш билан миллионлаб одамларнинг соғлигини бузди. Бу заҳарлаш америкаликларнинг Ветнам ерларига ташлаган Агент Оранжга ўхшарди.

Пахта атрофида доим катта-катта пуллар айланиб юрган. Коррупция ва яширин шартномалар. Давлат буюртмалари ва шубҳали кредитлар. Мажбурий меҳнат ва қўшиб ёзишлар. Қуриган Орол. Тупроқ ва сувдаги кимёвий заҳарланувчи моддалар. Қашшоқ қишлоқ. Арзимаган сариқ чақа ва камситишлар. Ҳаммаси пахта туфайли бўлди.

Тақдир ҳазилидир балки. Лекин кўпчилик пахта бизнинг мамлакатимизда айнан 1861-1865 йилларда АҚШда қора танлиларни озод қилган Фуқаролар уруши туфайли етиштирила бошланганиги билмаса керак. Уруш туфайли пахта Чор Россиясига келишни тўхтади. Россиядаги корхоналар хом ашёсиз қолди. Чор Россиясига янги етказиб берувчи керак эди. Бизни топишди. Ҳатто уруғларни ҳам АҚШдан олиб келишди...

Шунинг учун, илтимос, балки камера қаршисида пахта далаларида ватанпарварлик ҳақида қўшиқ айтишни бас қилармиз?

Ундан кўра пахта теримчиларини қашшоқликдан қутқариш учун уларга тўланиши керак бўлган адолатли иш ҳақини ҳисобланг.

Тупроқ ва сувдаги заҳар билан курашинг.

Миллатнинг келажаги ҳақида ўйланг.

Ахир 2021 йилда яшаяпмиз.

https://t.me/Nazlobudnya_AU Ochish/sharhlash